Манай сайтад тавтай морил!

Нэр: Eminem 

Бүтэн нэр: Marshall Bruce Mathers 

Төрсөн өдөр: 1972-10-17 

Үндэс: Америк 

Төрсөн газар: Kansas City, Missouri, USA 

Өндөр: 1,70 м 

Мэргэшил: Дуучин 

Боловсрол: Warren -ны Lincoln дунд сургууль (1986-1989), Osbourne дунд сургууль 

Аав: Marshall Mathers Jr. 

Ээж: Deborah Mathers - Briggs 

Охин: Haile Jade Scott (1995 оны 12 сарын 25-нд төрсөн 

Эхнэр: Kimberly Scott-той 1999 оны 6 сард гэрлэж, 2000 оны 8 сард салж, дахин 2000 оны 12 сард гэрлэж мөн 2001 оны 10 сард салж байсан хэдий ч хосууд дахиад л 2006 оны 1 сард гэрлэсэн боловч мөн л 2006 оны 12 сард салсан. 

Алдарын эхлэл: The Slim Shady EP (1999) Marshall Bruce Mathers нь 1972 оны 10 сарын 17 нд Missouri мужийн Kansas хотод төржээ. Eminem 12 настайдаа ээжтэйгээ хамт Michigan мужийн Warren хот руу нүүх хүртлээ Kansas хот болон Detroit-ийн хооронд байнга нүүдэг байжээ. Реп хөгжмийн залуу фен Eminem 14 насандаа дуулж эхэлжээ. Хэдийгээр тэр дунд сургуулиа орхин хэдэн жил хар ажил хийсэн ч, тэрээр хөгжимдөө үнэнч хэвээр үлджээ.Анх Eminem Detroit-д duo Soul Intent гэсэн репээ бичүүлээд удалгvй анхныхаа бие даасан цомгийг гаргажээ. Үүнийхээ дараагаар тэр "The Slim Shady EP" гэдэг цомгоо гаргаснаар хип хопуудын дунд нилээд их шуугиан дэгдээж удалгүй тvvний хэт дэврүүлэн гуншсан реп стиль, илэн далангүй эсэргүүцэл маргаан бүхий үгнүүд нь түүнийг фэнүүдийнх нь шүтээн болгожээ. Үүгээр ч зогсохгүй түүний арьсны өнгө нь бусдын сонирхлыг маш их татаж тэрээр реп хөгжмийн дараагийн "great white hope" буюу цагаан арьстнуудын аугаа найдлага гэгдэх болжээ.Los Angeles-ын радиогын чөлөөт стилийн реп тэмцээнд оролцсоноор реп ертөнцийн том төлөөлөгч нарын нэг болох Dr. Dre-ийн анхааралд өртжээ. Dr. Dre Eminem-ийн Aftermath гэсэн тодорхойлолтонд хүргэхийн тулд хамтран залуу репчний бүрэн хэмжээний "Slim Shady EP" альбомынх нь хэд хэдэн дууг агуулсан CD дээр нь ажиллаж эхэлжээ. 1999 оны 2 сарын 23-нд гаргасан дебют альбом "Slim Shady LP"-д нь маш их амжилтыг хит дуу "My Name Is" нь авчиран альбом нь Billboard-ын жагсаалтанд хэдэн долоо хоногийн туршид 2-рт жагсаж байжээ. Тэр энэ альбомоороо Шилдэг соло реп дуу ("My Name Is" , Шилдэг реп альбом гэсэн 2 шагналыг "Grammy Awards"-аас авсан байна.Түүний 2000 онд гаргасан 2 дахь альбом "The Marshall Mathers LP" нь түүнд аугаа их амжилт болон түүнтэй дүйцэхүйц шүүмжлэл авчирчээ. Энэ альбом нь гарсан эхний долоо хоногтоо 2 сая шахам хувь зарагдсан нь бүхий л үеийн хамгийн хурдан зарагдсан альбом болжээ. Шvтэн бишрэгчид нь тэр альбомыг нь ухаалаг, егөөтэй, бухимдуу гэж бүгд л шүтэн бишэрч ялангуяа залуу репчидийн дунд маш их шуугиан тарьжээ.Энэ шуугианы хажуугаар альбомны агуулгийг хvчирхийлэл, сексийн үг хэллэг, ижил хүйстний эсрэг утга агуулсан гэсэн эсэргүүцэл дэгджээ. GLAAD хэмээх ижил хүйстний эрх ашгийг хамгаалах нийгэмлэг нь 2000 оны 9-р сард зохиогдсон "MTV Video Music Awards"-н (Eminem дуулсан)эсрэг эсэргvvцэл зохион байгуулжээ. Eminem энэ шоун дээр "The Real Slim Shady" гэдэг дууныхаа клипээр Шилдэг эрэгтэй реп клип болон тухайн жилийн шилдэг клипний шагналыг авчээ.Мөн тухайн жилийн хамгийн их альбом зарсан дуучин Eminem "Grammy Awards"-аас Шилдэг реп альбом ба Шилдэг реп дуучны ("The Real Slim Shady" шагналыг хүртжээ. 2002 онд Eminem интернэтээр түүний шинэ альбом "The Eminem Show"-ыг хууль бусаар тараахаас урьдчилан сэргийлэх зорилгоор гарах өдрийг нь өөрчилжээ.Шуугиантай репчний тогтворгүй хувийн амьдрал ба хуулийн зөрчилдөөн нь 1999 оны 7-р сараас хэвлэл мэдээллийн хэрэгсэлээр таржээ. Энэ нь "The Marshall Mathers LP" хэмээх шилдэг дебют альбом нь гарахаас долоо хоног хүрэхгүй хугацааны дараа Detroit шөнийн клубын гадаа зодоон хийснээс эхэлжээ. 2000 оны 8-р сарын сүүлээр шүүх түүнийг аюултай зэвсэгтэйгээр довтолсон мөн нууцаар зэвсэг эзэмшиж байсных нь төлөө мөрдөн байцаалтанд оруулах шийдвэр гаргажээ. 2001 оны 2-р сарын 14-нд яллагч аюултай зэвсгээр халдлага хийснийг буруутгахаа больсоны дараа Eminem нууцаар зэвсэг хадгалж байсан буруугаа хvлээжээ. Michigan-ний шүүгч тvvнд 2 шилийн тэнсэн харгалзах ял ба мансууруулах бодисны хяналтанд орохыг тушаажээ.!!pagebreak!!1999 оны 9-р сард Eminem-ийн ээж Debbie Mathers-Briggs өөрийн хүүгээсээ 10 сая доллар нэхэмжлэн шүүхэд өгчээ. Mathers-Briggs шүүхэд Eminem түүнийг "The Slim Shady LP"-дээ архаг хар тамхичин хэмээн гvтгэсэн гэж мэдvvлжээ. Хэдийгээр ээж нь түүнд 2 сая дээр тохироё гэж санал болгосон ч Eminem зөвшөөрөөгүй болохоор хэрэг мөрдөн байцаах шатанд шилжжээ.Eminem нь Kim гэх мэт олон дууны эзэн эхнэртэйгээ нилээд олон жил хамт амьдарсаны эцэст 1999 онд гэрлэжээ. Kim хэмээх дуу нь хосуудын дунд ноцтой хэрүүл үүсгэн Kim-ийг амиа хорлохыг завдаж эмнэлэгт хүргэгджээ. Сарын дараа Eminem салах өргөдлөө өгөхөд Kim Mathers 1995 онд төрсөн охин Hailie Jade Scott-ийг асран халамжлах зардалд 10 сая доллар нэхэмжлэн шүүхэд ханджээ. Тэр хоёр тохиролцоонд хүрэн шүүхээс материалаа буцаан хамтын амьдралаа тухайн жилийнхээ 12-р сард эхэлсэн ч удалгүй 2001 оны 3-р сарын эхээр Kim Mathers салах өргөдлөө шүүхэд өгсөнөөр дуусгавар болгожээ.2002 оны зуны эхэн сард тэрээр 3 дахь альбом болох "The Eminem Show" гэсэн нэртэй альбомоо хийж энэ нь маш их сенсаац дэгдээсэн байна. Тэр энэ альбомныхоо ихэнх хэсгийг өөрөө зохиосон бөгөөд түүний тасралтгүй урсгаж байгаа шүлгэн мөрүүд, үнэн бодит байдал болон хүний янз бүрийн зан араншинг ил тодоор хутга шиг хурц хэлсэн үгс, хөгжмийн маш олон талын санаа агуулсан энэхүү альбом нь 5 сарын сүүлээр албан ёсоор худалдаанд гармагцаа эхний 12 цагийн дотор 250.000 ширхэг зарагдсан бөгөөд түүнээс хойш 6 сая хувь борлогдож түүнд тоологдошгүй хөрөнгө мөнгийг авчирч өгсөн юм.Eminem нь 2002 оны сvvлээр "8 Mile" гэдэг киноны гол дүрд тоглосон юм. Түүний энэ киноных нь дуу Америкт 1-р байр эзэлэхийн зэрэгцээ мөн тус кино нь Америкт дэлгэцнээ гармагцаа эхний долоо хоногийн сүүл гэхэд 55 сая долларын ашиг олсон нь сүүлийн 18 жилд киноны ертөнцөд олсон мөнгөний хэмжээгээрээ 2-рт жагссан байна.