2024.05.17 6:59 PM
| Эхлэл » Техник технологи » Бусад |
| Мэдээ таалагдсан бол |
Сайтынхаа уншигчдад бид өнөөдөр SD, HD тай салшгүй холбоотой DVD, Bluray дискний тухай мэдээлэл хүргэхээр бэлдлээ.
DVD
За тэгэхээр энд нэг зүйлийн үл ойлголцлыг тайлахыг оролдоё. Зарим хэрэглэгчид DVD дээр HD бичлэг үзэж болдог гэж ойлгодог. Болохын хувьд болноо. Хэрвээ тухайн киног HD стандартаар DVD дээр, дата буюу File хэлбэрээр бичиж зөвхөн компьютер болон бусад тусгай төрлийн тоглуулагч дээр үзэж болох хэлбэрээр бичвэл үзэх боломжтой. Өөрөөр хэлбэл DVD тоглуулагчинд тоглуулж гаргах боломжгүй. Учир нь DVD тоглуулагч нь зөвхөн 720*576 гэсэн харьцаатайгаар бичигдсэн DVD file -ийг дэмжиж ажилладаг. Саяхныг хүртэл кино үйлдвэрлэгчид гол орлогоо DVD борлуулалтаас олдог байв. Гэтэл өнөөдөр хэрэглэгчдийн дийлэнх тоон төхөөрөмж ашиглах, интернэт дэх хууль ёсны киноны захаас авах, видео захиалга хийх зэргийг илүүд үзэх болжээ. Эдгээр шинэ боломж DVD-ийг зах зээлээс эрчимтэй шахаж байна. Тиймээс ч Холливудын кино үйлдвэрлэгчид бүтээлээ энэ формат дээр олноор нь хэвлэхээс татгалзах болов.
Bluray
DVD диск нь 200 он гарсаар технологийн дэвшил хурдан хөгжихийн хэрээр хоцрогдож илүү их мэдээлэл болон өндөр нягтаршилтай дүрсийг тоглуулах зайлшгүй шаардлага гарч ирсэнээр зохион бүтээгчид дараагийн үеийн төхөөрөмжийг зохион бүтээж эхэлсэн. Яг энэ үед Toshiba болон Sony компаниуд өөрсдийн төсөл ажиллаж байсан бөгөөд 2008 онд шинэ DVD -ий стандартыг олон нийтэд танилцуулсан юм. Toshiba компаний хувьд 25GB -ийн багтаамжтай HD DVD -ийг танилцуулсан бол Sony компани Bluray хэмээх 25-50 GB багтаамжтай дискийг танилцуулсан. Харин энэхүү хоёр стандарт хоёул зах зээл дээр зэрэг орших боломжгүй байсан бөгөөд аль нэг нь л цаашид стандарт болж үлдэх хэрэгтэй байсан юм. Тухайн үед Sony компани өөрийн консоль болох PS 3-т Bluray диск унших төхөөрөмжийг суулгаж Full HD консоль тоглоомыг олон нийтэд танилцуулж тэсрэлтийг хийж байсан. Харин өрсөлдөгч болох XBox 360 тухайн үед энгийн DVD Стандартыг дэмжих консолийг танилцуулсан нь тоглоомчдын сэтгэлд хүрсэнгүй. Иймээс Xbox360 -т HD тоглоом тоглуулах боломжийг хайж Toshiba-ийн HD DVD-унших төхөөрөмжийг дагалдах хэрэгсэл маягаар худалдаанд гаргасан боловч төдийлөн амжилт ололгүй больсон. Ингэж энэхүү 2 дискний стандарт анх удаа олон нийтэд танилцуулагдсан юм. Харин toshiba-ийн HD DVD тоглуулагчийг дэмжих компани тухайн үед тийм ч олон байгаагүй учраас зах зээлээс гарсан. Bluray дискийг Дата хэлбэрээр мэдээлэл хадагалах боломжтойгоос гадна FUll HD, 3D киног тоглуулах давуу талтай хэдий ч зах зээл дээр энэхүү диск нь өөрөө өндөр өртөгтэй бүтэж байгаа зэргээс шалтгаалж хараахан айл бүрийн хойморт заларах нь ховор байна.
| Нийт сэтгэгдэл: 0 | |
Та сэтгэгдэл бичихдээ бусдын эрх ашгийг хvндэтгэн vзнэ vv.