Манай сайтад тавтай морил!

Солонгосын бие даасан дуу бичлэгийн студийн продюсер Lee Soo-man-ы 2005 онд үүсгэн байгуулсан "Super Junior" хэмээх хөвгүүдийн хамтлаг нь 2009 онд худалдаанд гаргасан шилдэг борлуулалттай "Sorry, Sorry" синглээрээ Дэлхий дахинд танигдсан хамтлаг юм. Тус хамтлагийн энэ сарын 4-ний өдөр худалдаанд гаргасан К-поп, R&B, электропоп, dance, реп, еврохаус жанрын зургаа дахь студийн цомгийн хамгийн эхний дуу, цомгийнхоо нэрээр "Sexy, Free & Single" хэмээн нэрлэгдсэн дууны клипийг Солонгос хамтлаг дуучдын дуунд дуртай үзэгч, сонсогч та бүхний хүртээл болгож байна.

1972 оны 3-р сарын 10-нд Виржиниад төрсөн Америкийн дуучин, реппэр Timothy Zachery Mosley нь Timbaland хэмээх урлагийн нэрээрээ алдартай. Тэрээр шинээр бүтээгдэж байгаа "Step Up" кинонд зориулан тус киноны дуу болгож, "Hands In The Air" хэмээх дуу бүтээсэн бөгөөд энэхүү дуугаа Америкийн R&B дуучин Ne-Yo-той хамтран дуулсан байна. Энэ 2012 оны 6-р сард гарсан энэ дууны клипийг хэрэглэгч та бүхэнд хүргэж байгаа маань энэ юм.

Өмнөд Солонгосын алдарт охидын хамтлаг Wonder Girls энэ сарын 3-ны өдөр "Like Money" нэртэй шинэ дижитал синглээ 7-р сарын 10-ны өдөр худалдаанд гаргана хэмээн албан ёсоор мэдэгдсэн. Тус хамтлагийн анхны Америк цомгийн сингл болон гарч байгаа энэ дуун дээр Сенегал-Америк гаралтай дуучин Akon хамтран ажилласан ба дижитал синглтэй зэрэгцэн 10-ны өдөр цацагдсан клипийг нь сайтынхаа үзэгч, сонсогч та бүхний хүртээл болгож байна.