Манай сайтад тавтай морил!

"Universe Best Songs-2009" уралдаант наадмын шилдэг 25 оролцогчдын нэг болж, олонд танигдсан Б.Хулан хэмээх авьяаслаг залуу дуучин охиныг сонсогчид маань Flash хамтлагийн Bebe-тэй хамтран дуулсан "1000 шалтгаан" дуугаар нь сайн мэдэх бизээ. Америкийн "Art institute of Hollywood" сургуульд кино урлагийн мэргэжлээр суралцдаг, 20 настай Б.Хулан "The Story of My Life" нэртэй шинэ уран бүтээл туурвисныг сайтынхаа үзэгч, сонсогч та бүхний хүртээл болгож байна.

Альтернатив рок, пиано рок урсгалаар уран бүтээлээ туурвидаг, маш олон сонсогчдын талархлыг хүлээсэн A-Sound хамтлагийн өнгөрөгч 3-р сард борлуулалтаараа тэргүүлж байсан "100 наст" цомогт багтсан нэгэн дууны клипийг үзэгч та бүхэнд толилуулж байна. "You cast your spell" хэмээх өвөрмөц нэртэй дууны энэхүү клипийг Extreme Animation Studio болон Feelings Advertising Video Studio студиудын уран бүтээлчид хамтран хийж гүйцэтгэжээ.

Люмино хамтлагийн дуучин Baji өөрийнхөө нэрээр буюу "B.A.J.I" хэмээн нэрлэсэн анхныхаа бие даасан цомгийг гаргахаар зэхэж байгаа билээ. Ганцаарчилсан уран бүтээлдээ шамдан орсон тэрээр энэхүү цомогтоо багтсан бүх дууныхаа аяыг өөрөө зохиосон гэнэ. Уран бүтээлч залуугийн анхны цомгийн "Үүр цайтал" нэртэй дуу клипжсэнийг сайтынхаа Монгол дуу, клипний булангаар дамжуулан сонсогч фенүүдийнх нь хүртээл болгож байна.

Хурдны өлгий Сүхбаатар аймгаас төрсөн цуутай хүлгүүдийн нэг, олонд "Даатгал" хэмээн алдаршсан хээр азаргыг моринд хайртай Монголчууд андахгүй. Хүчтэй, хурдтай, эрэмгий энэ сайхан адууны тухай шинэ уран бүтээл морь, бөх, сур гурваараа гайхуулдаг Монгол наадмын өмнөхөн мэндэлснийг та бүхэндээ толилуулж байна. Д.Отгонбаярын ая, Б.Батрэгзэдмаагийн үг "Даатгал хээр" хэмээх энэхүү дууг Хурд хамтлаг болон Монгол үндэсний Морин хуур хөгжмийн Домог хамтлаг хамтран амилуулжээ.

Бүх цаг үеийн хамгийн олон шагнал авсан эмэгтэй уран бүтээлч хэмээгдэн Гиннесийн Дэлхийн дээд амжилтын номонд бичигдсэн Америкийн нэрт дуучин Whitney Houston 48-хан насандаа хорвоог харуусалтайгаар орхин одсон хэдий ч алдар цуугаа дуурсгасан түүний хүндэтгэлд зориулагдсан бас нэгэн шинэ уран бүтээл төржээ. Энэ бол бүх цаг үеийн хамгийн шилдэг борлуулалттай уран бүтээлчдийн нэг, алдарт дуучны Америкийн поп, R&B дуучин Jordin Sparks-тай бичүүлсэн хамгийн сүүлийн дуу болох "Celebrate" дууны клип юм.

Лос Анжелесын поп рок хамтлаг "Maroon 5" дөрөв дэх студийн цомгийнхоо хоёр дахь сингл болон гаргасан "One More Night" нэртэй дуундаа клип хийлгэснийг та бүхний хүртээл болгож байна. Регги стилийн хүчтэй нөлөөлөл шингэсэн энэхүү поп дууны клип 6-р сарын 26-ны өдөр цацагдсан бөгөөд Америкийн найруулагч, продюсер Peter Berg найруулжээ. Клипний зураг авалт өнгөрөгч 4-р сард хийгдсэн бөгөөд клипэнд хамтлагийн гоцлол дуучин Adam Levine боксчины дүрд тоглож, түүний хайртай бүсгүй, бяцхан охиных нь ээжийн дүрд Minka Kelly тоглосон байна.

АНУ-ын Ерөнхийлөгч Барак Обама залуу дуучин Жастин Биберийн нэгэн дууг дуулсан бичлэг Youtube сайтад хит болж байна. Youtube сайтын baracksdubs нэртэй сувагт тавигдсан энэхүү бичлэг нь олон хүний сонирхлыг татаж, шүүмжлэл дагуулаад байна. Америкийн нэгдсэн улсын ерөнхийлөгч Барак Обама уг дууг хэрхэн дуулсныг сонирхорой.

Монгол эх орон, Монгол бахархалаа магтан дуулсан бас нэгэн шинэ уран бүтээлийг сайтынхаа Монгол дуу, клип булангаар дамжуулан үзэгч, сонсогч та бүхнийхээ хүртээл болгож байна. Энэ дуу бол L-Guards хамтлагаар овоглодог дуучин Баясаагийн "Миний Монголын бахархал" нэртэй уран бүтээл юм. С.Чонохүлэгчийн үг, С.Мягмаржавын ая энэ дуу болон клипэнд тив дэлхийн олон улсын тамирчидтай хүч сорьдог босоо хийморьтой Монгол тамирчид тэр дундаа чөлөөт бөхийн тамирчдыг магтан дуулсан байна.

Нийгмийн эрээн бараан, хар цагаан бүхнийг илүү дутуу чимэг, элдэв хачиргүйгээр, байгаагаар нь дуулдаг реппэр Gee энэ удаад өөрийн фенүүдэд "I Need Money" нэртэй дуу болон клипээрээ бэлэг барьсан байна. Түүний энэхүү дууг Мядагмаа хэмээх дуучин бүсгүй хамтарч дуулсан бөгөөд клипний найруулгыг A Vision студийн Maks хийсэн бол дууны beat-ыг Duna нэртэй уран бүтээлч хийж гүйцэтгэсэн байна.

Эх болсон Монгол орноо магтан дуулсан нэгэн сайхан дуу мэндэлжээ. МУГЖ, дуучин Д.Жаргалсайхан, Х.Лхагвасүрэн, Т.Ариунаа, Б.Сарантуяа, Б.Дашдондог, С.Наран, СТА, дуучин С.Наран, Т.Дэлгэрмөрөн, А.Хаянхярваа, яруу найрагч Ц.Хулан, дуучин Ц.Батбаатар, Б.Маралжингоо, Sweetymotion хамтлаг гэх мэт уран бүтээлчдийн хамтран дуулсан "Бид бүгд нэг Монгол" хэмээх энэхүү дууны аяыг МУГЗ Ц.Чулуунбат, үгийг яруу найрагч Ү.Хүрэлбаатар бичжээ.